ឯកឧត្តម ទេព យុទ្ធី សមាជិកគណៈកម្មការទី៨នៃព្រឹទ្ធសភា បានអនុញ្ញាតឱ្យលោកវេជ្ជបណ្ឌិត ទា ផាលី ទីប្រឹក្សាអង្គការខាណា ទទួលបន្ទុករៀបចំផែនការយុទ្ធសាស្ត្ររបស់វេទិកាបញ្ចប់ជំងឺរបេងនៅកម្ពុជា (Stop TB Cambodia) ជួបធ្វើបទសម្ភាសន៍ ស្តីពីវឹទិការបញ្ចប់ជំងឺរបេងនៅប្រទេសកម្ពុជា នាព្រឹកថ្ងៃទី២៧ ខែមីនា ឆ្នាំ២០២៤ នៅសាលប្រជុំគណៈកម្មការទី៨ព្រឹទ្ធសភា។
កិច្ចសម្ភាសន៍នាពេលនេះ គឺមានគោលបំណងសំខាន់ ដើម្បីធ្វើការប្រមូលធាតុចូលពីគ្រប់ភាគីពាក់ព័ន្ធ រួមទាំងអ្នកធ្វើគោលនយោបាយ និងអ្នកធ្វើសេចក្តីសម្រេចចិត្តក្នុងដំណើរការអភិវឌ្ឍផែនការយុទ្ធសាស្ត្ររបស់វេទិការបញ្ចប់ជំងឺរបេងនៅកម្ពុជា (Stop TB Cambodia) ២០២៤ – ២០២៨។ ផែនការយុទ្ធសាស្ត្រនេះ នឹងត្រូវបានផ្សព្វផ្សាយយ៉ាងទូលំទូលាយជាមួយ កម្មវិធីរបេងជាតិ កំចាត់រោគរបេង (NTP) ក្រសួងពាក់ព័ន្ធ ម្ចាស់ជំនួយ ដៃគូអភិវឌ្ឍន៍ អង្គការសង្គមស៊ីវិល និងស្ថាប័នពាក់ព័ន្ធ នៅថ្នាក់ជាតិ និង អន្តរជាតិ។
ប្រភព៖នាយកដ្ឋានព័ត៌មាន